foto: Jan van den Belt | Ankh (zonnebril op hoofd) luistert aandachtig naar Oorkussen.
D'n Drom 2016…
En wederom ging d'n
optocht – d'n trop
wiet hier soms een drom
heit – op tocht
de fluite met de pette op
kop
net as de net begonnen
zonne
met een oprukkende bu-je
an de locht.
Maor onder de ons
umhullende beume
van et Idinkbos kon et streumen
daor löp et meestal wal
los
gelukkig was et niet zo'n zweiten
as in tweeduuzenvieftien
dat viel dan misschien
weer mét!
Mangs was onderweg effen
een roerganger pleiten
– uiteraard vanwaegen
belangrieker zaken -
maor wat maken dat uut,
wi-j zochten
onszelf wal een bochte in
de krochten
van d'n drek of et grint
want gék, et hindern ons
neet;
olders of kinder, wi-j
gingen gewoon
op't geluud en d'n toon af.
Zin en onzin, mooie meziek
en lyriek
groots of in't kleine,
gein in't vileine...
Vrouwleu in't gres of in
plestic gehuld
cult besmuikt en met
pruiken etooid
en wat kónnen ons allen
dee toethoorns bekoorn!
De meeste mansleu sprökken
veur zichzelf
of hadden d'r een wieze op
emaakt
en dan was een fikse bieze
weer raak
of een verlaten donderslag
kortum niks is volmaakt
maor wat een zaoterdag was
et weer!
Meu as een hond maor bi-j
gezondheid
bu-w d'r vollend jaor
weer…
Ankh Gussinklo | Nestiezern | 03-07-2016
Zie meer 'nDrom 17 op FB>
