maandag 4 juli 2016

'nDrom 17 herbezocht | Bert Scheuter en Sarena Klappa | De Plakhakke

Video: © Hans Mellendijk | 'nDrom 17 | Koffieboerderij Groot Nibbelink | Binnenheurne | Sinderen
Sarena Klappa met refrein "Dat is de plakhakke"
wereldprimeur 

Bert Scheuter onder begeleiding van Sarena Klappa opende 'nDrom met voordracht van: 

Onzinnige feestelegie op old gereedschap, den arbeid muu *



      foto's: © Jan van den Belt
Wat zwalkt ow in ‘t gemaot,
wat drunkt en boestert op?
Wat hef de minke op verlaot
en houwt de zatman an de kop?


 Dat is de plakhakke,
die olde plakhakke,
met wörme in de stelle
en een eeuweg stikke nakke.



Daor beestert ‘t spöl op huus op an, 
daor kneistert tallemaot.
Wie lovert raps de pluuze an?
Wie plekt ‘t zwarte zaod?



Dat is de plakhakke,
die olde plakhakke,
met wörme in de stelle
en een eeuweg stikke nakke.




Maor kump de snal an ‘t krallen 
zóllen zuukt de hänsken neer! 
Dan heur i-j luude snallen: 
waor zol den hiet dan heer?



Dat is de plakhakke,
die olde plakhakke,
met wörme in de stelle
en een eeuweg stikke nakke.
   
Mangs laot de ruggen mäote, 
mangs kroet de bunte veerzen. 
Wat lieken eur de sträote?
Wat reupen eur de leerzen?

Dat is de plakhakke,
die olde plakhakke,
met wörme in de stelle
en een eeuweg stikke nakke.

Dat is now alles aover,
dat geet en kump niet weer. 
Kwam wulpe ooit van optenaover, 
now zuukt de hänske zóllen neer.

Dat is de plakhakke,
die olde plakhakke,
met wörme in de stelle
en een eeuweg stikke nakke.

Now luustert naor de knoezen, 
now reupelt zwaor verdriet. 
Welks händjen geet hen bloezen? 
Welks stöksken drif in ‘t riet?

Dat is de plakhakke,
die olde plakhakke,
met wörme in de stelle
en een eeuweg stikke nakke.


© Bert Scheuter | uit: Tractor Tracks | HiPP-reeks No. 01 | 2011

* tweede deel van de titel vrij naar H.H. ter Balkt
  

Geen opmerkingen:

Een reactie posten