Attie Nijboer | Appelsche doe en now | Erve Kots | Lievelde | 23-06-2019
Appelsche doe en now
Ik greef diepe in mien onthoold
We fietsen zonder jasse
De flesse riedel in de tasse
Smaekt doukies lekker koold
We wanen oons in de grote dunen
En bint op 'e zaandvlakte anbelaand
Daor gaon we speulen in et gele zaand
Wowwe muui van et ommestruunen
We spattelen in de poele
Et waeter is lekker koel
Doukies biwwe van doel
En greef een grote koele
Hewwe dan nog genog kracht speerd
Dan op 'e weerommereize naor de Bosbarg!
Dat vienen we helemaol niet arg
Et uutzicht is et klauteren weerd
Tot besluut nemen wi'j altemet
Bi'j de kiosk over de straote
Een hiele grote maote
Zak petat mèt
Zie ook Muziekkoepel Appelscha: 2017 | Nieuw Ooststellingwerver
Doeken met gedicht om muziekkoepel onthuld⇲
Appelsche now, jaoren laeter
Ie kregen en mederner gezicht
Hier en daor bint ie wat eers inricht
De zaandvlakte mist et spattelende waeter
Toch vulen wi'j oons bi'j jow op oons gemak
Ie blieven pattie meensken behaegen
Alderdeegst tot in de lengte der daegen
Jong en oold geniet, kom grif an zien gerak
Appelsche hatte in et Drents-Friese Woold
Verbint keunst, rekreaosie en kultuur
In de midden van de netuur
Veur een lang en lefbaor behoold
zie meer over Stellingwarf hier⇲
Geen opmerkingen:
Een reactie posten