Reddingsboot | Marijke van Kampen
als het water komt zal ik een reddingsboot van goudgele tenen voor jou en mij borduren
As ’t water kump
As ’t water kump wil i-j dan ’t zelfde? ’t Zelfde en zeker met mi-j?
As de raegen neet wil stoppen
wil i-j dan dobberen en drieven in ów reddingsvestje van Chanel?
Nooit eerder was ów zwemdiploma zo nutteg.
Dieken duukt en sluuzen sluut.
Gewassen in plassen en vogels verdwaald.
As ’t water kump
gaot beeste op zwemles met zwembanden en bootjes vól mals gres.
Woont wi-j allemaol baoven op drievende zolders met buutenboordmotor.
Wi-j vaart in boten naor ’t land waor de kampvuren siesterend stomend doven en
waor vissen verdrinkt in plastic soepterrines.
As ’t water kump
in welke mooshof könt wi-j dan nog oogsten en warme dreuge vuute hollen?
’t Natte antwoord van Klimaat stemt nedereg
en vrög óns te stoppen met allene maor nemmen
vrög óns ok te geven.
Wil ik dan drieven in ’n bootje naor de zee?
Pootje badend töt mien mónd ok vóllöp?
Of klimmen op de hoogste toren?
As ’t water kump
zal ik ’n reddingsboot van goldgaele tenen
veur ów en mi-j borduren.
Marijke van Kampen 👉 | vertaling Hans Mellendijk
Geen opmerkingen:
Een reactie posten