Bert Scheuter komt tijd te kort.
Alles kan weer
Op naor De Heurne, ‘t buutenlochspöl lokt
en deurgaon zal‘t, al gut’et uut de hemelsluuze,
huuvern en hard blieven grölen: een slomp water
deert niet in de zommer dat alles weer kan!
Snommedags een feestjen want al zeuvenenzestig
en doornao nog ene tut in de uurn van de margen.
Daags d’r op steet bier en wien tussen de schappen
want de ni-je zaak is awweer twee joor old.
Alles kan weer en völle is ‘t dizzen zommer,
van hoetsjiebeeste naor buurt- naor volksfeest
inhaaln wat was blieven liggen, rocken en rollen
en al is ‘t op ‘t tandvleis: grölen zö-j! Blieven grölen!
Vier dage wol ik weer zwart crossen en rossen
met Dropkick Murphys en Boh Foi Toch.
Of zondag niet want meiboom te verteern,
en zaoterdag uut etten met ni-je pensionada.
En vri-jdag? Vri-jdag was d’r ôk zowat d’rheer.
Moor volgend joor - nea ziet mien grölen -
dan laez’ik ow op de cross dit dichtwark veur,
volgend joor at alles weer kan en d’r völle tied is!
Geen opmerkingen:
Een reactie posten