Amböstig, hechtereg ammechteg
löp e zien gezóndheid integen.
Ok dan nog gemeten; koortsegheid.
Hie bekik de barkcodeteikens
machteg doar de snotterbellenkroon.
Daags doarnao; platgetraede bleujsels.
Amböstig, hechtereg ammechteg
löp e zien gezóndheid integen.
Ok dan nog gemeten; koortsegheid.
Barkenstof wei’jt ‘mi-j in de gaete
‘t brech mangs de neuze an ’t lopen.
Proestereg wa’k al zei; amböstig.
Amböstig, hechtereg ammechteg
loop ik mien gezóndheid integen.
Ok dan weer koortsegheid gemeten.
In geraniums en ellebaog
haal’k mi-j van alles in de kop.
Hypernöffeleg huusarts dan moar
op’ebeld. Niks anders dan een-
heu’jkoorts wier uutendelek de kroon.
De curve platter; jao geröstgesteld.
Aosembenemmend ’t vrogtiedeg
hemelen manges moar uut’estel.
Geen opmerkingen:
Een reactie posten