woensdag 5 januari 2022

DdA | Achterhoek Nieuws | DICHT | week 01


Deurgaonde waegeskes en paedjes

Met ‘n dertigsten zonder middewinterstappen,

ol’joorsdag ‘n wezenlozen vri-jdag, nao een joor

met niks as naregheid en zonder steernefônkeln

d’n eersten en tweeden ni-jjoorsdag feesteloos

as een deursnee zaoterdag en matten zondag

gewier ‘t mien asof de tied een hörte minder

huu hiel dan ‘s-endensjoors lech gebruukelek.


A-j zo raps moor muu ‘t ni-je joor in schoeft,

dat al haost te völle op ‘t olde lik te lieken,

dan aovervölt ow mangs een valsen dekken

den ow gin enkel gräödjen warmte bieden kan,

den ow alleneg moor van alles af kan sluuten

en ow a-j niet oppast all’n loch benemmen zal

den meer dan alle joorn veurhen now neudig is.


Laot mien dan zo vlot as meugelek weer denken

an de waegeskes en paedjes die ‘t laeven teikent

en zelfs wieter slakkert woor ‘t naar onlieke is

um ons de tied deur te laoten gaon; die niet stopt

veur Silvester en andere heufdgrenzen of muurn en

zich nog zo’n betjen laot belopen at tied en ruumte

tussen laeven en dood ons uutzicht soms benemt.



Geen opmerkingen:

Een reactie posten