Manges in Varsseveld

Pauze bij  Gesinkschuur van 't Hofshuus | Concert Ferdi Jolij en Hans Keuper | 01-06-2018

Nao de pauze ging 't er pas richteg goed heer | Boh Foi Toch Rap in kampvuurversie.

Boh Foi Toch-rap | Hofshuus | Gesinkschuur-concert | 1 juni 2018

't Was 's margens nog vròg

Toen ging bi-j ons de wekker

De zonne scheen fijn

't Weer was lekker

Ik zegge tiggen Dientjen: Toe maak es wat an

En twee uurkes later daor stonne wi-j dan

Um de koning van Zanzibar langs te zeen gaon

Hebt wi-j daor nog uren an de zied motten staon

En toen wi-j an 't leste wat naor veur'n hen kwammen

Ging de plietsie an 't reer'n, an 't houwen en an 't

rammen

Bah, boh foi, bah, mien duch, mien duch, mien duch,

bah, ja ja, boh foi, bah

Ik zeg, ik bun toch neet hier um een grote mond te kriegen

Ik kekke mi-j bloos zonnen optocht es an

En lo'w aover 't houwen en douwen mor zwiegen

Mien duch dat zowat toch ok anders kan

At ieder en een in zien huus was 'ebleven

Dan was dat veur ons darp toch bepaold gin eer

At 't zo mot, dan kan'k op een briefken ow geven

Kump veur de konninginne zelfs gin mense hier meer heer

Bah, ja ja, boh foi, bah, zie ja, bah ja, bah

't Was oogstfeest, ik was daor met Beernd mien vriend

Den had ik 'eneugd veur wat pils in de tent

't Bier was zo lekker en 't smaken ons goed

Wi-j hadden zo'n schik en wazzen vol goeie moed

De tente ging dichte, ik kreeg een idee

'k Zeg: Beernd gao'j met veur een borrel of twee

Maor veur an de deure zag ik 't gevoor

Mien Dientjen ston door met 't poriezer kloor

Baats

Ja ja, boh foi, bah, mien duch, mien duch, mien duch,

bah ja ja, boh foi, bah

Ik zeg, ik bun toch neet hier um mi-j af te laoten smear'n

Ik was hier met Beernd mien beste kameraod

Ik bun ok niet hier um mien an te laoten reeren

Laot ons now derin, heb neet zo'n praot

At iederene altied moor allene zol wehn

Dan gaf 't jo gaar gin gemeudelekheid meer

Laot ons der in spuult manges de glaeze

Of andes dan zee'j mi-j vannacht neet meer weer

Bah, ja ja, boh foi, bah, zie ja, bah, bah, boh foi, bah

Mien Dientjen, dee sloeg toe 't was buuten maote

da'k glieks al ter plekke 't laeven mos loaten

Naor Petrus dan kom ik, nog veur middernacht

Mor niemes had mi-j dor zo vlot al verwacht

Een riege lank ston dor 't volk veur 't loket

Ik denke bi-j mien eiges: ik schoeve mooi met

Toen Petrus mi-j zag wier den keerl haoste dol

Hi-j vleuken en hi-j schelden mi-j de hoed jao haost vol

Bah

Ja ja, boh foi, bah, mien duch, mien duch, mien duch,

bah, ja ja, boh foi, bah

Ik zeg: Ik hoef mien toch zomaar niet af te laoten bekken

Ik kwam veur zo'n stralenkrans hier um mien kop

I-j kunt mi-j toch zomoor rond neet laoten vertrekken

In 'n hemel door kan jao de lol haost niet op

A'j zoepzekke al haronder wilt smieten

Dan kump der toch haoste gin mense meer hier

Laot 't goed gaon, ik gao hier onder wel kieken

En door bi-j de duvel, bi-j de duvel, bi-j de duvel

Door in de hölle, in de höllee, in de hölle

Door bi-j de duvel in de hölle, in de hölle

Do0r bi-j de duvel in de hölle, bi-j de duvel

Had iederene schik en schik en plezier

Ja, bi-j de duvel, bi-j de duvel in de hölle

Ja, ja, en schik en plezier

Nah, nah, mien duch, bah, boh foi, bah, mien duch, mien

duch

Mien duch, bah, ja, boh foi, bah

Zie bah, ja, boh foi, bah, nah bah, mien duch, mien duch

Bah, ja, boh foi, bah, ja, nah

vrij naar Boris Vian